Weihnachtsmaat en Bergerhuuse,
do muss de hin, sons bes do ne Luuse.
Jedes Dörp und jede Stadt,
hück eh Weihnachtsmäätche hat.
Doch keene Maat, dat sagen Fraue un Hippe;
kann an Bergerhuuse tippe.
Die bunte Bude, die helle Leechter,
zaubere eh Laache op alle Jeseechter.
Un medden drenn, die Burg, wie em Märche su schön,
dat "Non Plus Ulra" dat muss jeder sehn.
Ne Mann vun 3 Zentner, en statse Fijur,
säht für sing Frau "Dat es Weihnachte pur".
Wo kann et dir sons anders passiere,
dat du durch Kohmess dehs spaziere.
Doch mir Rheinländer machen uns janit verröck,
wesse mir doch, en Kohmess tredde breng vill Jlöck.
Un Samsdach, Sunndach, ich machen üch schlau,
es en Blotzem en Riesen Autoschau.
Ich hann jehührt, und dat es vereidisch;
de Pariser Autosalon es och schon neidisch.
Wer emol he wor, kütt immer zeröck,
denn er bruch Bergerhuuse zom Weihnachtsjlöck.